六週年預告
還有7天, 就到我和 Honey 的六週年了! 經過三個月的驚嚇, 媽咪的病情終於穩定下來並出院回家了. 我和 Honey 的生活亦漸漸回到軌道。 昨天星期日, 我終於悶夠了, 扭計要 Honey 陪我去離島玩, 但因為我地兩個爛訓, 最終南丫島去唔成, 轉左去西貢, 並傻下傻下去左橋咀睇舊菠蘿石.
星期日的西貢, 真的好有渡假感覺. 涼涼的秋風, 坐在碼頭旁的餐廳食個下午茶, 真的好好哦! (最衰之前四圍找餐廳時被 Honey 激親我, 話我浪費金錢食昂貴的午餐, 攪到我無晒心機! 人地諗住好好的 Relax 嘛.... 好在行行下醒起碼頭有這間風境好的餐廳, 心情一下子好了! )
食飽飽! 好方便的在碼頭邊有艇仔 $20 位包來回. 到步後, 見到海面的水十分清徹, 真係"嘩" 左一聲, 真係好靚. 最衰見唔到珊湖魚啦~~
行到目的地, 就係身後的石灘啦! 這條石灘/橋潮漲是係過唔到對面的. 由於我地好晏先去到, 最遠個邊已經被海水浸了, 過唔到去.... 好可惜!
唯一興奮的, 就係終於見到所謂的 "菠蘿石"! 真係好得意 :)
影完相, 見無野做, 我位 "化石學家" Honey 話我學歐州的人 "切石" = 堆石!! 睇下他幾專心 ? 足足切左個幾鐘先收手. 我就無甘好耐性, 堆堆下坐埋一邊曬太陽, 吹開風 :)
好專心哦~
Honey 雙子塔
Honey 得意之作
我覺得這很間單但 Honey 話是很難的!並要吹乾隻鞋, 因為之前"間水"回來時攪濕左.
5 點鐘回程, 一定要做的指定動作 - 同艇家 買海鮮! 但人地買食得的, 而我地買海水魚缸養的!! ^x^
傻下傻下, 竟然被 Honey 見到有一盤大條碟魚 - Hong Kong Butterfly 黑眉碟. 我同 Honey 講: 太大條了, 仲要7條甘多, 怎樣拿回家呀? 初初 Honey 都死心地走, 因為見到唯一賣魚具的鋪頭賣的膠箱/桶太貴. 但行到半路, 他又"囉囉戀", 話如果有日本城就好啦, 可以買個膠桶! 我突然記得停車場下面有一間日本城, 於是"啦啦聲"帶他去買. 我都知道今次唔買魚唔得啦~ 因為未見過 Honey 甘 "囉囉戀" 一件事. 由於接近 6pm, 我叫 Honey 快D攞埋個膠桶去返碼頭, 驚個艇家收工﹐跟住我一個人走翻去間魚具鋪幫 Honey 買個乾電氣泵.
Honey 最開心的收獲.最後, 我地就係帶住桶魚去左間好浪漫的餐廳食飯, 但要坐室外! 點解? 因為我地有寵物囉 - 一桶碟魚! 個 Waitress 都以為我地帶左只狗狗去.... 哈哈哈!
在一桶碟魚的陪伴下, 我地兩個食左好好味的晚餐:
超好味的 Seafood Platter
好好咪的羊膝這餐我食左 Honey $4xx, 好肉赤! 所以為了保住 Honey 荷包, 這餐美味的晚飯當係 6 週年的 Part I 慶祝. 因為我知道, 就如過往幾年的一樣, Honey 都鐘意去 Buger King 慶祝週年記念. 丫! 不如我地個結婚 Party 在 Burger King 搞囉?
沒有留言:
發佈留言