第一次行婚禮博覽展 (Emax)

攪左 3 個月, 經歷左３次的辛苦買樓/睇樓過程, 終於係 4月29 號扑搥買左元朗99號大堂路 - 蝶翠峰 (其實我呢世人真係同個數字 ９ 好有緣). 其實這個單位除左裝修 OK 外, 我最鍾意就係這幢樓是第八座, 風水號碼嘛~~~ 又近邨巴站.

攪掂左層樓, Palmer 就尋晚擇左個吉時同佢未來外母提親, 仲交左 $38,000 做禮金添 ^o^

咁今日我地就去婚禮展行下, 八下, 有乜好野, 點知............ 12 點去到, 立刻去左日航個 booth 傾下D 細節, 再行左檔現場影相望下, 去埋葉謝鄧律事樓傾(仲要幫 Alex 攪埋佢壇嘢), 都已經 2:00pm (做左３樣野都用左２個鐘頭).

行下行下, 俾 AT Studio 的兩位姐姐仔捉住坐低左, 傾傾下佢兩個又好岩傾, 仲問起我想要D 乜主題, 講起我要同兩隻寶貝狗影相, 其中一位姐姐仔原來同我隻狗 Money 同名.... 世事真係其妙的!  再問細節D 嘢，原來 AT Studio 係可以同2隻狗狗一齊影 pre-wedding, 仲唔會收附加費添 (我直頭開心到非起~!!!)

Honey 見到我咁高興, 口快快立刻答人地無問題, 但我作為一個精明的消費者, 更係相行下夾下價啦~~ 但點知 Honey 同D Sales同一陣線, 想立刻俾錢.

經過一論討價還價, Money 的經理額外送左加大油畫和多 10 張相後, Honey 就比左錢 lu~~~~~

攝影師哥哥話, 3 月擺酒, 最好 ９月影, 可以有時間執相.

慘啦~ 得返 ４個月，邊減得切肥呀????